हेटौंडामा दुई कोरोना संक्रमितको मृत्यु भएको छ । आइतबार राती ९ बजे हेटौंडा र सोमबार बिहान ६:२२ बारा निवासी पुरुषको कोरोना संक्रमितका कारण मृत्यु भएको हेटौंडा अस्पतालले जनाएको छ ।
अस्पतालको अक्सिजन सहितको कोभिड वार्डमा उपचाररत हेटौंडा–१ का ५५ वर्षीय पुरुषको आइतबार राती ९ बजे मृत्यु भएको कोभिड इञ्चार्ज डा.सागर काफ्लेले बताए । काफ्लेका अनुसार संक्रमण पुष्टिपछि उनलाई अस्पतालको कोभिड कक्षमा राखेर उपचार गरिएको थियो ।यसैगरी बारा, अमलेखगञ्जका ४६ वर्षीय पुरुषको सोमबार बिहान ६ बजेर २२ मिनेटमा मृत्यु भएको डा. काफ्लेले जानकारी दिए । मृतक पुरुषलाई आइतबार बेलुका १२ बजे हेटौंडा अस्पताल ल्याइएको थियो । श्वासप्रश्वासमा समस्या भएपछि उनलाई भेन्टिलेटरमा राखेर उपचार गरिएको थियो ।
कोरोना संक्रमणको दोस्रो लहर सुरु भएपछि मकवानपुरमा ४ जनाको ज्यान गएको छ । हालसम्म मकवानपुरमा कोरोना संक्रमणबाट मृत्यु हुनेको संख्या ३६ पुगेको स्वास्थ्य कार्यालय मकवानपुरले जनाएको छ ।