सप्तरी – काठमाडौं उपत्यकाका प्रमुख जिल्ला अधिकारीहरूको बैठक आज बस्ने भएकाे छ ।
काठमाडाैं, ललितपुर र भक्तपुरका प्रमुख जिल्ला अधिकारी(सिडिओ)हरूको बैठक ३ बजेपछि अनौपचारिक रूपमा बस्न लागेको काठमाडौंका प्रमुख जिल्ला अधिकारी गोविन्द रिजालले जानकारी दिए ।
बैठकमा यसअघि गृहमन्त्रालयको निर्देशन अनुसार तीन जिल्लाका प्रशासनले जारी गरेको निर्देशनको बारेमा समीक्षा गरिने बताइएकाे छ ।
काठमाडौंका सिडिओ रिजालका अनुसार स्वास्थ्य मापदण्ड पालनको अवस्था, भीडभाड कसरी कम हुनसक्ने भन्ने विषयमा र जोर-बिजोरमा आएको गुनासोसहित यसअघि दिइएको निर्देशनमा छलफल हुने जानकारी दिए ।
यसअघि काठमाडौं प्रशासनले सार्वजनिक तथा निजी सवारी साधनमा जोर-बिजोर प्रणाली लागू गरेको भन्दै जनस्तरबाट विरोध हुँदै आएको थियो । जोर-बिजोर प्रणाली अवैज्ञानिक र सवारी साधनमा झन् भीड बढेको भन्दै विरोध भएको थियो ।