kchhakhabar.com

गृहपृष्ठ कला / मनोरन्जन खबर ‘मेरो जुँगा मन पराउने धेरै छन्’ – निशान भट्टरार्इ

‘मेरो जुँगा मन पराउने धेरै छन्’ – निशान भट्टरार्इ

इटहरी, error गते

मोरङ, उर्लाबारीका निशान भट्टराई, नेपाल आइडलका उत्कृष्ट तीनमा परेका प्रतिष्पर्धी हुन् । सानैदेखि गाउन थालेका निशानले गायक बन्न धेरै संघर्ष गरे । त्यहिक्रममा नेपाल आइडलम भिडेका उनि अहिले दर्शकका प्रिय बनेका छन् । यतिबेला निशानलाई फोन गर्ने, म्यासेज पठाउने मात्र होईन उनको फोटो र डमीमा समेत सेल्फि खिच्ने, चुम्मन गर्नेहरु धेरै भेटिन्छन् । प्रस्तुत छ, निशानसँगको रमाईलो कुराकानी ।।

फ्यानहरु त धेरै रहेछन् । गर्लफेन्ड चाहिं कति छन् ?

छैन, अहिलेसम्म ।

प्रस्तावै आएन ?

प्रस्ताव त कति कति । आएका आयै छन् । गीत प्राक्टिस गर्दापनि फोनले नै डिस्टर्ब गर्छ । फोनले गर्दा आफ्ना विशेष काम भ्याउनपनि गाह्रो हुन्छ ।

फोन गरेर के भन्छन्, केटीहरुले ?

मलाई धेरै मन पर्छ । रुपपनि मन पर्छ, सिंगिङ पनि मन पर्छ भन्छन् । विशेष त जुँगा मन पर्छ अरे ।

बिहे गरौं भन्नेहरु कति छन् ?

 

फेसबुकतिर पनि बिहे नै गर्छु भनेर लेख्नेहरुपनि छन् । तर मैले केही भनेको छैन उनिहरुलाई ।

त्यस्तो भन्दा खुसी लाग्छ ?

खुसी नै लाग्छ । मेरो मेहनतलाई माया गरेको जस्तो लाग्छ ।

साथीहरुसँग सम्बन्ध कस्तो छ ?

हामी त सँगै सुत्छौं । सुत्दा घरी खुट्दा काँधमा पुगेको हुन्छ, घरी जीउमा । कहिले काहिं एउटा साथी खाटबाट झरिसकेको हुन्छ । बाहिरको कुरा सुन्दा त हामीसँगै बसेको पनि थाहा छ कि छैन जस्तो लाग्छ ।

बाहिरका कुरा सुन्दा कस्तो लाग्छ ?

एक त हामी पाँच महिनादेखि क्लोज क्याम्पमा छौं । बाहिर कसैसँग कुराकानी, भेटघाट गर्न पाएका छैनौं । बाहिर हल्ला गर्नेहरुलाई पनि थाहा छैन, यहाँ हामी तीन जना कति मिलेर बसिरहेका छौं भन्ने कुरा । हामीलाई एउटा कुनै निश्चित क्षेत्र, जात, भाषा भाषी भन्दा पनि एउटा राष्ट्रको कलाकारका रुपमा हेरिदिनुहोला भन्ने अनुरोध गर्छु ।

हामी प्रतिष्पर्धीलाई नै कलाकारको सम्बन्धले जोडेर राखेको छ । हामीबीच नराम्रो सम्बन्ध छैन । हामी तीन जातीका भएपनि जातको कुरा कहिल्यै आउँदैन भने तपाईहरु यो कुरालाई लिएर किन बहस र डिस्कस गर्नुहुन्छ । यस्ता कुरा नगरिदिए नै हामीलाई पनि खुसी लाग्छ । हामी त्यस्तो सोंच मै छैनौं । हामी यस्तो कलाकार बन्न चाहान्छौं जसले सबैको माया पाओस् । हामी तीनै जना एउटा राष्ट्रको कलाकार हुन चाहान्छौं ।

साथीहरु प्रतियोगीताबाट बाहिरिंदा हुँदा कस्तो अनुभव हुन्छ ?

तीन जनामा जसले जीतेपनि एकदम ठीक छ । एलिमिनेटको समयमा सँगै मिल्ने साथी सँगै उभिएका हुन्छौं । त्यस्तो बेला साथी पो आउट हुने हो कि, बरु म भन्दा साथी नै छानिए हुन्थ्यो जस्तो लाग्छ । एकातिर छानिएको खुसी हुन्छ, अर्कातिर साथी आउट भएको पीडा हुन्छ ।

नेपाल आइडलपछिको योजना के छ नि ?

संगीतमै भविष्य खोज्दै म काठमाडौं आएको हुँ । मेरो त्यो सपनामा नेपाल आइडल सबैभन्दा ठूलो माध्यम बन्यो । यसले मलाई धेरै ठूलो सहयोग पुग्यो । त्यसैपनि म संगीतमै हुन्थें अब त झन नेपाल आइडलले सहज बनाईदिएको छ । यसैलाई अझ जोड दिएर अगाडी बढाउँछु । नेपाल आइडलले संगीतमा गर्ने संघर्षको बाटो छोट्याईदिएको छ ।

यस खबरमा तपाईंको प्रतिकृया