काठमाडौं – पर्साको जिरा भवानीपुर गाउँपालिका ४ मा आइतबार साँझ ट्याक्टरमा मोटरसाईकल ठोकिँदा मोटरसाइकलमा सवार १ बालिकाको मृत्यु भएको छ भने एक जना घाइते भएका छन्।

ना ४ त ८१४६ नम्बरको ट्याक्टरमा, बा ५५ प ६५२८ नम्बरको मोटरसाईकल आइतबार साँझ ६ बजे ठोकिएको थियो। दुर्घटनामा घाइते भएका जिराभवानी गाउँपालिका ४ की ३० वर्षीया विद्या देवी र उनकी ४ वर्षीया छोरी अन्यालाई उपचारको लागि अस्पताल लैजादै गर्दा बालिकाको भने बाटोमै मृत्यु भएको हो।

विद्या देवीको नारायणी अस्पताल वीरगञ्जमा उपचार भइरहेको प्रहरीले जानकारी दिएको छ।