सप्तरी – नेपाली सेनाका प्रमुख एवं प्रधानसेनापति प्रभुराम शर्मा सुदूरपश्चिम प्रदेशमा पुगेका छन् । प्रधानसेनापति प्रदेशका विभिन्न जिल्लाको भ्रमणमा यहाँ आइपुगेका हुन् ।
प्रधानसेनापतिसँग रक्षा सचिवसहितको टोली रहेको छ । टोलीले सुदूरपश्चिमका मुख्यमन्त्री त्रिलोचन भट्ट, आन्तरिक मामिला तथा कानुन मन्त्री पूर्णा जोशी लगायतसँग भेटेर शान्ति सुरक्षा लगायतका बिषयमा छलफल गरेका छन् ।
मन्त्री जोशीले प्रधानसेनापति शर्माले प्रदेशको शान्ति सुरक्षा, विपद्का बेला सुदूरपश्चिम सरकारले गरेको महत्वपूर्ण भूमिकालगायत विषयमा जानकारी लिएको बताइन् ।
टोलीले प्रदेशमा सेनाको अबको काम तथा योजनाबारे पनि छलफल गरेको जनाएको छ । टोली दार्चुला प्रस्थान गरेको छ । प्रधानसेनापति शर्माले दार्चुलामा सेनाले निर्माण गरिरहेको टिंकर सडकको समेत अनुगमन गर्ने छन् ।