कुनै पनि सेलिब्रेटीको प्रेम सम्बन्ध र बिवाहको कुरामा धेरैको चासो हुने गर्छ । पब्लिक पर्सन भएको कारणले पनि उनीहरुको सानो सानो गतिविधीहरुमा चासो रहनु ठुलो कुरा पनि होईन । पछिल्लो समय सबैको चासो बनेको प्रेम सम्बन्ध बनेको छ प्रियंका कार्की र आयुषमानको प्रेम ।

प्रियंका भन्दा अगाडी आयुषमानको प्रेम ‘चपली हाईट २’ फेम नायिका परमिता राणासंग थियो यो जगजाहिर भएको कुरा नै हो । ब्रेकअप भएको लामो समय पनि नहुँदै प्रियंका आयुषमानले परमितासंग स्क्रिन सेयर गर्न लागेको खबरले यतिबेला निकै चर्चा कमाईरहेको छ । माधव वाग्लेले निर्माण गर्ने भनिएको चङगाचेटमा यी तीनले काम गर्ने खबरले मिडिया निकै ततायो ।

अर्काे तिर चलचित्रमा आयुषमानको जोडी प्रियंका र परमिता दुबै हुन् की भन्ने उत्सुकता पनि जगायो । यसबीचमा प्रियंकाले चलचित्रमा आयुषमानको जोडी परमिता नभई आफु नै रहेको खुलाएकीछिन् । उनले भनिन् “हामीले परमितासंग काम गर्नु कुनै ठुलो कुरा होईन । हाम्रो बिगत जस्तो भएपनि अहिले साथी हौँ त्यसैले मिडियाले यसलाई ठुलो रुपमा लिन आवश्यक छैन” ।

आयुषमानसंग प्रेमको कारण प्रियंकाले ठुलो आलोचना सहनु परेको थियो भने आयुषमानले पनि परमितालाई धोका दिएको भन्दै उनीप्रति आक्रोस पोख्नेहरुको कमी भने थिएन । तर यतिबेला प्रियंका र आयुषमानबीचको प्रेम देखेर नलोभिनेहरु भने कमै होलान् ।

तपाईको प्रतिक्रिया