काठमाडौं ।  भारतमा भीषण हावाहुरीसहितको वर्षामा परि कम्तीमा ११३ जनाको मृत्यु भएको छ । उत्तर प्रदेशमा ७०, राजस्थानमा ३६, मध्यप्रदेशमा ५ र विहारमा दुईजनाको मृत्यु भएको भारतीय सन्चारमाध्यमहरुले जनाएका छन् ।

धुलोसहितको हावाहुरीमा परेर अरु सयौं घाइते भएका छन् । हावाहुरीका कारण दर्जनौं घरमा क्षति पुगेको बताइएको छ । हावाहुरीले बिजुलीका पोल र ठाउँ–ठाउँमा रुख ढल्दा बिजुली आपूर्ति नै बन्द हुनुका साथै यातायात सेवा ठप्प भएको छ ।

गर्मी मौसमको समयमा भारतमा वर्षेनी धुलोसहितको हावाहुरीले लाखौं सर्वसाधारण प्रभावित हुने गरेका छन् । हावाहुरीका कारण राजस्थानमा अधिकांश विद्यालय र कलेज बन्द भएका छन् । उत्तर प्रदेशका मुख्यमन्त्री योगी आदित्यनाथले मृतकका परिवारलाई जनही चार लाख तथा घाइतेलाई ५० हजार भारतीय रुपैयाँ राहत दिने घोषणा गरेको बताइएको छ ।

तपाईको प्रतिक्रिया