इटहरी । स्थानीय निर्वाचन सम्पन्न भएलगत्तै चर्चा र सुरू भएको प्रदेश नं एकको स्थायी राजधानी तोक्ने बिषयले फेरी चर्चा पाउन थालेको छ । प्रदेशस्तरीय निर्वाचन सकिए लगत्तै अस्थायी राजधानी बिराटनगरलाृइ तोकिएपनि स्थायी राजधानी सुनसरीको इटहरी सार्ने हल्लाले चर्चा पाएको थियो । प्रदेशमा मन्त्री मण्डल गठन संगै राजधानी कहा राख्ने भन्ने बिषयले खुब चर्चा र बिवाद चलेको थियो ।

प्रदेश एकका मुख्य मन्त्री लगायत अन्य मन्त्रिहरूले इटहरीलाृइ स्थायी राजधानी बनाउन उपयुक्त बताउदै आएका थिए । तर पछिल्लो समय प्रदेशकै मन्त्रीहरू स्थायी राजधानी बिराटनगरनै उपयुक्त हुने भन्दै निर्णय गर्न थालेपछि यो बिषयले थप चर्चा पाएको हो । यो चर्चा संगै मुख्य मन्त्रीको सचिवालयले सुनसरीको इटहरीमा प्रदेशसभा भवन सार्ने तयारी थालिरहदा एकाएक पुन बिराटनगरकै चर्चा बढन थालेपछि स्थायी राजधानी तोक्ने बिषय बिवादमा आएको हो ।

प्रदेश एकका मुख्य मन्त्री शेरधन राईले प्रदेशको स्थायी राजधानी र नामाङकरण यहि साउन महिनाभित्र टुंगो लगाउने बताउदै आएको बेला उनकै मातहतका मन्त्रीहरूले स्थायी राजधानी मोरङको बिराटनगरलाई तोक्ने भित्री कसरत सुरू गरेका छन । प्रदेश न.१ का आर्थिक मामिला तथा योजनामन्त्री ईन्द्रबहादुर आङबोले हालै एक सार्वजनिक कार्यक्रममानै विराटनगरलाई प्रदेशको राजधानी हुनबाट कसैले रोक्न नसक्ने बताए ।

उनि मात्र हइन प्रदेशका अधिकांस मन्त्रीहरू अहिले सार्वजनिक कार्यक्रमहरूमा मोरङको बिराटनगर नै स्थायी राजधानी हुने निश्चित भएको बताउदै आएका छन । प्रदेशमा रहेका अधिकांस मन्त्रीहरूले धरान, इटहरी र धनकुटामा मुख्यमन्त्री तथा मन्त्रीहरुको सम्पर्क कार्यालय राखिने र त्यहाबाट जनताको गुनासो सम्बोधन गरीने तर स्थायी राजधानी बिराटनगर नै उपयुक्त हुने बताउदै आएका छन ।

एक नं प्रदेशका सामाजिक विकासमन्त्री जीवन घिमिरेले पनि विराटनगर नै प्रदेशको राजधानी हुनुपर्ने विचार व्यक्त गरेका छन । बुधबार बिराटनगरमा आयोजित एक कार्यक्रममा पनि उनले खुलेरै यस्तो बताएका हुन । यस अघि उनले नै प्रदेश एकको राजधानी इटहरी उपयुक्त भनेका थिए ।

यता बाहिर चै सुनसरीको इटहरी स्थायी राजधानी भनेर भित्र भित्रै बिराटनगरलाई तोक्ने चाल प्रति प्रदेशकै सभाषदहरू रूस्ट बनेका छन । सुनसरीका प्रदेश सांसदहरूले स्थायी राजधानी इटहरीलाई दाबी गर्दै आएका छन भने केहिले बिराटनगरनै उपयुक्त हुने बताउदै आएका छन । यद्यपी यो बिषयमा मुख्य मन्त्री शेरधन राईले भने खुलेर बताउन चाहेका छैनन ।

नामाकरण सगरमाथा पक्का पक्की

यसैबिच प्रदेश एकको स्थायी राजधानीको चर्चा संगै नामाकरणको पनि उत्ती नै चर्चा बढेको छ । पछिल्लो समय प्रदेश एकको नामाकरणमा आ आफ्नो जातियता पहिचान सहितको नामाकरण गर्न मुख्य मन्त्रीलाई सुझाव दिदै आएका थिए । प्रधानमन्त्री केपी शर्मा ओलीले पनि एक नं प्रदेशको नामांकरण सगरमाथा राख्दा उचित हुने बताएपछि अहिले सोही नामको बिशेष चर्चा रहदै आएको छ ।

प्रदेशसभा निर्वाचन पश्चात अहिले सम्म २ वटा प्रदेशको मात्र राजधानी र नामाकरण टुंगो लागेको छ भने अन्य ५ वटा प्रदेशमा नामाकरण र स्थायी राजधानी टुंगिन बाकि नै रहेको छ । प्रदेश सांसदहरूले केहि समय अघि प्रदेश–१ को नाम किरात, लिम्बूवान, खम्बूवान, कोशी वा सगरमाथा मध्येबाटै एक हुनुपर्ने सुझाव दिँदै आएका थिए ।

तर पछिल्लो समय प्रधानमन्त्री ओलिले दिएको सगरमाथा नै उपयुक्त हुने भन्दै त्यसैलाई नामाकरण दिने पक्का भएको प्रदेशकै मन्त्रीहरूले बिभिन्न कार्यक्रमहरू बिच बताउदै आएका छन । यद्यपी प्रदेशकै मुख्य मन्त्री शेरधन राईले भने प्रदेश एकको नामाकरण गर्दा सबैको जनभावनालाई समेटेर चित्त बुझदो नाम राख्नेमा आफु आशावादी रहेको बताउदै आएका छन

@pradeshdarpan.com

तपाईको प्रतिक्रिया