सप्तरी – इटालियन सिरी ए मा साविक विजेता युभेन्टसले प्रभावशाली जित हात पारेको छ । आइतबार राति भएको खेलमा सासुओलोलाई ३–१ ले हराउँदै युभेन्टस चौथो स्थानमा उक्लिएको छ ।

युभेन्टसको घरेलु मैदानमा भएको खेलमा डानिलो, आरोन राम्सी र क्रिष्टियानो रोनाल्डोले एक–एक गोल गरे।

सासुओलोका लागि एक सान्त्वना गोल डिफ्रेलले गरे।

युभेन्टसका लागि ५०औँ मिनेटमा डानिलोले, डिफ्रेलले ८२औँ मिनेटमा राम्सी र इन्जुरी समयको दोस्रो अर्थात ९२औँ मिनेटमा रोनाल्डोले गोल गरे ।

सासुओलोका लागि डिफ्रेलले ५८औँ मिनेटमा गोल गरेका थिए।

पहिलो हाफको इन्जुरीमा रातो कार्ड पाएर ओबिएङ्ग बाहिरिएपछि सासुओलो १० खेलाडीमा सीमित भएको थियो।

जितपछि १६ खेलबाट ३३ अंक बनाएको युभेन्टस चौथो स्थानमा उक्लिएको छ ।

आइतबार राति नै भएको खेलमा दोस्रो स्थानमा रहेको इन्टर मिलान र तेस्रो स्थानमा रहेको रोमाले २–२ को बराबरी खेले । समान १७ खेल खेलेका इन्टर मिलान र रोमाको क्रमशः ३७ र ३४ अंक छ ।
१७ खेलबाट ४० अंक रहेको एसी मिलान शीर्ष स्थानमा छ ।