सप्तरी – अभिनेता अनिल कपुर बलिउडका लोकप्रिय र दिग्गज स्टारमध्ये एक हुन् । उनले बलिउडमा चार दशक पूरा गरिसकेका छन् । यति लामो यात्रा तय गरिसकेर बलिउडमा आफ्नो एउटा छुट्टै पहिचान बनाइसक्दा पनि उनले आज पनि काम माग्ने गरेको बताएका छन् ।

केही साताअघि आफ्नो उमेरको ६३ वसन्तलाई स्वागत गर्दै उनले बीबीसी हिन्दीलाई दिएको अन्तर्वार्तामा यो खुलासा गरेका हुन् । बलिउडमा संघर्ष गरेर आफ्नो एउटा पहिचान स्थापित गर्न सफल भइसक्दा पनि उनले काम पाउनकै लागि ‘न्यू कमर’ ट्याग भिरेको कुरा पनि खुलेरै गरेका छन् ।पर्दामा हरेक पात्रलाई जीवन्त बनाउने अनिलले आफूलाई काम माग्न कहिले पनि लाज नलागेको र नलाग्ने बताएका हुन् ।यस्तैमा हालै अनिलले कामकै बारेमा दिएको अर्को एउटा अन्तर्वार्ता पनि सार्वजनिक भएको छ । जसमा उनले जीवनको अप्ठ्यारो परिस्थितिमा पैसाका लागि मात्रै गरेका केही चलचित्रको नाम निर्धक्क बताएका छन् ।उनी यतिमा मात्रै रोकिएनन्, जीवनको कुनै मोडमा फेरि पनि त्यस्तो कठिन समयबाट गुज्रिनु परेमा फेरि पनि पैसाकै लागि मात्र चलचित्र गर्न तयार हुने पनि खुलाए ।बलिउडको चार दशकको यात्रामा उनले सयौँ चलचित्र गरिसकेका छन् । तीमध्ये केवल पैसाका लागि गरेका चलचित्रबाट उनलाई कुनै पछुतो छैन ।

हुन त अनिलको पोल्टामा थुप्रै चलचित्रको अफर नआउने होइन । तर पनि उनी आफूलाई मनपर्ने निर्देशक र चलचित्रमा आबद्ध हुन भने मागेरै भए पनि जाने गर्दछन् । अनिलको यही (डाउन टु अर्थ) व्यवहारले र उनको उत्कृष्ट अभिनय क्षमताले उनलाई दर्शक र चलचित्र निर्माताहरुमा पनि लोकप्रिय बनाएको हो ।जीवनको कुनै मोडमा पैसाकै लागि मात्रै भनेर केही चलचित्र गरियो ? भन्ने प्रश्नको जवाफमा अनिलले यो खुलासा गरेका हुन् । “मैले गरेको छु । वास्तवमा म ती चलचित्रहरुको नाम पनि भन्न सक्छ, अन्दाज र हिर रांझा,” अनिल कारण सुनाउँदै अगाडि थप्छन्, “रुप की रानी चोरो की राजा (चलचित्र)पछि, परिवार संकटमा थियो र हामी सबैले बाँच्नका लागि आ–आफ्नो तर्फबाट जिम्मेवारी निभायौँ । मलाई यो कुरा स्वीकार्न कुनै हिचकिचाहट छैन ।”चलचित्र ‘रुप की रानी चोरो का राजा’ लामो विलम्बपछि सन् १९९३ मा रिलिज भयो । यद्यपि, चलचित्र बक्स अफिसमा नराम्रोसँग खस्कियो ।भविष्यमा भाग्यले साथ छोडेर फेरि त्यही परिस्थिति आएमा पहिलेकै बाटो अपनाउने भन्दै कपुर भन्छन्, “म र मेरो परिवार भाग्यशाली छौँ कि त्यो विगतको समय थियो र त्यसपछि हाम्रो परिस्थिति त्यति कठिन भएको छैन । तर, यदि हाम्रो भाग्यले मोड लियो र हामीले फेरि खराब समयको सामना गर्नुप¥यो भने मेरो परिवारको हेरचाहका लागि जे गर्न पनि म तयार हुनेछु ।”

साथै, अनिलले बलिउडमा करियरलाई लिएर पनि केही सल्लाह दिए । यदि, यही इन्डष्ट्रीमा करियर बनाउने भए आफूसँग भएको सबै कुरा दिन तयार हुनुपर्ने सुझाए । ता कि असफलताले तपाइँलाई हार्न नदिओस् ।