सप्तरी – दैलेखमा लागुऔषध सहित दुई जना युवायुवती पक्राउ परेका छन् । पक्राउ पर्नेमा कोहलपुर नगरपालिका–१० बाँकेको कालिकानगरकी २७ वर्षीया सिर्जना गुरुङ र बैजनाथ गाउँपालिका–१ बाँकेको गाभरका २१ वर्षीय विशाल रोकाय रहेको जिल्ला प्रहरी कार्यालय दैलेखले जनाएको छ ।

उनीहरुको साथबाट लागूऔषध ब्राउन सुगर पनि बरामद गरिएको दैलेख प्रहरी प्रमुख डिएसपी अनुपम श्रेष्ठले जानकारी दिए । शनिबार साँझ दैलेखको गुराँस गाउँपालिका–२ तल्लो डुङ्गेश्वर प्रहरी चौकी (कर्णाली राजमार्ग) चेक पोष्ट नजिकै सडकमा शंकास्पद अवस्थामा हिँडिरहेका उनीहरुलाई खानतलासी गर्दा लागू औषध ब्राउन सुगर फेला परेको थियो ।

खानतलासी गर्दा सिर्जना गुरुङको खुट्टाको मोजाबाट लुकाराखेको ४० पुडिया बनाइ धागोले बेरेर राखेको अवस्थामा लागुऔषध खैरो हिरोइन जस्तो धुलो पदार्थ र विशाल रोकायको साथबाट नगद ३४ हजार फेला परेको प्रहरीले जनाएको छ ।लागूऔषधसहित पक्राउ परेका आरोपितहरुलाई दैलेख जिल्ला अदालतबाट लागूऔषध ब्राउनसुगर मुद्दामा म्याद थप अनुमती लिइ थप अनसुन्धान कार्य थालिएको प्रहरीले जनाएको छ ।