६ जनवरीमा अमेरिकी संसदमा ट्रम्पका समर्थक प्रवेश गरेपछि उनीहरुलाई नियन्त्रणमा लिँदै सुरक्षाकर्मी . फाइल फोटो
अमेरिकाको सबैभन्दा ठूलो सुरक्षा अनुसन्धान एजेन्सी संघीय अनुसन्धान ब्यूरो(एफबीआई)ले ५० वटै राज्यका सुरक्षा प्रमुखलाई उच्च सतर्कतामा रहन आग्रह गरेको छ ।

२० जनवरीमा अमेरिकाका नव निर्वाचित राष्ट्रपति जो बाइडेनको शपथग्रहण समारोहको समयमा सबै राज्यमा हिंसात्मक विद्रोहको खतरा रहेको सूचना एफबीआईले दिएको छ ।

अमेरिकी सञ्चार माध्यामहरुमा आएका खबर अनुसार एफबीआईले सबै राज्यका सुरक्षा प्रमुखलाई सतर्क गराएको छ।

चरमपन्थीहरुले हिंसा भड्काउन सक्ने आशंका एफबीआईले गरेको हो । ६ जनवरीमा ट्रम्प समर्थकले अमेरिकी संसद भवन क्यापिटल हिलमा पसी हिंसा भड्काएपछि वासिङटनमा सुरक्षा व्यवस्था कडा पारिएको छ ।