इंग्लिस प्रिमियर लिगमा आज राति म्यानचेस्टर सिटी लिभरपुल बिच प्रतिश्पर्धा हुदैछ । खेल घरेलु मैदानमा नेपाली समयअनुसार राति १०ः१५ बजे हुनेछ ।

दुई टोलीको पछिल्लो २९ खेलमा लिभरपुल १२ खेलमा विजयी भएको छ । सिटीले ७ खेल जीतेको छ भने १० खेल बराबरीमा सकिएको छ ।लिभरपुलले पछिल्लो पाँच खेलमा दुई जित निकाल्दा ३ खेलमा हार बेहोरेको छ । टीममा साडियो माने, मोहम्द सलाह, रोबर्टो फिर्मिनो, जोर्डन हेन्डरसन, जर्जिन्हो वाइनाल्डम, थियागो अलकान्तरा, एन्ड्रु रोबर्टसन, फाविन्हो, एलेक्सान्डर अर्नोल्ड, ओजान कावाक र गोलरक्षक इलिसन बेकर रहने छन् ।पछिल्लो २० खेलसम्म अपराजित रहेको सिटी २१ नोभेम्वर २०२० मा टोटेनहमसँग २–० ले पराजित भएयता अपराजित छ । जसमा १७ जित र ३ बराबरीको नतिजा छ । २१ खेलबाट ४७ अंक पाएको सिटी शीर्षस्थानमा रहेको छ ।

सिटीको टीममा गाब्रियल जेसस, फिल फोडेन, बर्नाडो सिल्भा, रहिम स्टर्लिङ, इल्केए गुन्डोगान, फर्नाडिन्हो, जिन्चेन्को, रुवेन डियास, जोन स्टोन्स, केएल वाल्कर र गोलरक्षक इडर्सन मोराएस रहेका छन् । यस्तै टोलीसँग रोड्री, एमरिक लापोर्ट र जोओ क्यान्सिलो रहने छन् ।