कारोबारको तेस्रो दिन नेप्सेमा फाइनान्स र विकाश बैंक सूचक मात्र बढेको छ । नेप्सेमा दोहोरो अंकको करेक्सन भइरहँदा यी दुई सूचक लगानिकर्ताको आकर्षणमा परेका हुन ।

आज सबै भन्दा धेरै गुडविल फाइनान्सको शेयर मूल्य बढेको छ । नेप्सेका अनुसार आज गुडविल फाइनान्सका शेयर मूल्य ९ दशमलब ९२ प्रतिशतले बढेर २८८ रुपैँया पुगेको छ । त्यस्तै, श्री इन्भेष्टमेन्ट एण्ड फाइनान्सको शेयर मूल्य ९ दशमलब ६५ र समृद्धि फाइनान्सको शेयर मूल्य ९ दशमलब ५२ प्रतिशतले बढेको छ ।

आज फाइनान्स समूह १२ दशमलब ७२ अंकले बढेर ११६४ दशमलब ९१ विन्दुमा पुगेको छ । उता विकाश बैंक समूह २२ दशमलब ५२ अंकले बढेर २६०१ दशमलब १५ को विन्दुमा पुगेको छ ।