काठमाडौँ — साओमी नेपालले रेडमी सिरिज स्मार्टफोनको ‘रेडमी ९ पावर’ सार्वजनिक गरेको छ ।

यसमा ६ हजार एमएएच ब्याट्री छ । साथै ४८ एमपी क्वाड क्यामेरा सेट अप, अक्टा–कोर क्वाल्कम स्न्यापड्रागन ६६२ प्रोसेसर र ६.५३ इन्च एफएचडी प्लस डिस्प्ले रहेको साओमीले जानकारी दिएको छ ।यसमा १८ वाटको फास्ट चार्जिङ पनि छ । रेडमी ९ पावरको फ्रन्टमा स्क््रयाचबाट जोगाउन कर्निङ गोरिल्ला ग्लास ३ छ ।

रेडमी ९ पावर ४ जीबी र्‍याम र ६४ जीबी यूएफएसको १८ हजार ९ सय ९९ र ४ जीबी र्‍याम अनि १२८ जीबी यूएफएसको २० हजार ९ सय ९९ रुपैयाँ मूल्य रहेको कम्पनीले जनाएको छ ।