सप्तरी – भूमिसम्बन्धी समस्या समाधान आयोगको मकवानपुर कार्यालय स्थापना भएको छ ।

जिल्ला समन्वय समिति मकवानपुरका प्रमुख रघुनाथ खुलालले आयोगको कार्यालयको आज उद्घाटन गर्दै मकवानपुर जिल्लाको भूमिसम्बन्धी समस्या समाधानमा आयोगले महत्वपूर्ण भूमिका खेल्ने विश्वास व्यक्त गर्नुुभयो ।
सम्बन्धित समाचार…

कृषिक्रान्तिका लागि प्रभावकारी योजना बनाउँदै मकवानपुरगढी

विद्यालय भवन भत्काउँदा पठनपाठन अवरुद्ध

अनुदान रकम उपलब्ध

भूमिसम्बन्धी समस्यालाई प्रभावकारीरुपमा समाधान गर्ने गरी काममा खटिन आयोगलाई आग्रह गर्दै उहाँले यसमा जिल्ला समन्वय समितिका तर्फबाट आवश्यक समन्वय र सहकार्य गर्ने प्रतिबद्धता व्यक्त गर्नुभयो ।

आयोगको जिल्ला समितिमा एक अध्यक्ष, एक विज्ञ सदस्य र एक सदस्य गरी तीन जना राजनीतिक नियुक्ति तथा डिभिजन वन कार्यालय, जिल्ला नापी कार्यालय, जिल्ला मालपोत कार्यालयका प्रमुख सदस्य तथा जिल्ला समन्वय अधिकारी सदस्य सचिव रहने व्यवस्था छ ।

कार्यक्रममा आयोगका जिल्ला अध्यक्ष रामेश्वर रानाले आयोगमार्फत जिल्लामा भूमिविहीनलाई जग्गा, लालपुर्जालगायत भूमिसम्बन्धी समस्याको समाधानलाई प्रभावकारीरुपमा अघि बढाउने बताउनुभयो । उहाँले जिल्लामा भूमिसम्बन्धी समस्या समाधानका लागि सङ्घीय सरकारमार्फत आठ वटा पालिकामा सम्झौता भएर कामसमेत शुरु भइसकेको र बाँकी पालिकामा समेत छिट्टै काम शुरु गरिने बताउनुभयो । जिल्लाको कैलाश र इन्द्रसरोवर गाउँपालिकाबाहेक स्थानीय तहमा भूमिसम्बन्धी तथ्याङ्क सङ्कलन भइरहेको पनि उहाँले जानकारी दिनुभयो ।