एजेन्सी – अमेरिका अब आधिकारिक रूपमा पेरिस जलवायु सम्झौतामा सामेल भएको छ।अमेरिकी राष्ट्रपतिका विशेष दूत जोन कैरीले अमेरिका पेरिसको जलवायु सम्झौताको एक हिस्सा बनेको घोषणा गरेका छन् ।

यस सम्झौता अन्तर्गत अमेरिकाले आगामी तीन दशकहरूमा कार्बन उत्सर्जनमा ठूलो कटौती गर्ने योजना बनाएको छ।वैज्ञानिक र विदेशी कूटनीतिज्ञहरूले अमेरिकन राष्ट्रपति जो बाइडन सरकारको यो कदमलाई स्वागत गरेका छन्। जो बाइडनले राष्ट्रपतिको पद ग्रहण गरेपछि पहिलो दिन यो निर्णय लिएको ३० दिन पछि आधिकारिक भएको जनाइएको छ ।सन २०१५ मा तयार गरिएको उक्त सम्झौता करिव २०० देशले हस्ताक्षर गरेको थियो। बीबीसीका अनुसार अमेरिका एक मात्र देश हो जुन यसलाई हस्ताक्षर गरेपछि अलग भएको थियो।

उक्त निर्णय भने राष्ट्रपति डोनाल्ड ट्रम्पले गरेका थिए। उनले भनेका थिए , यस सम्झौताको कारण अमेरिकाले ठूलो मूल्य तिर्नुपर्नेछ।