टी–२० क्रिकेट खेलमा अष्ट्रेलियाले लगातार दोस्रो हार व्यहोरेको छ । पछिल्लो खेलमा घरेलु टिम न्युजिल्याण्ड पनि अष्ट्रेलियाले हार व्यहोरेको थियो ।

डुनेडीनमा बुधबार भएको खेलमा न्युजिल्याण्डले अष्ट्रेलियालाई ४ रनले हराएको हो ।न्युजिल्याण्डले दिएको २ सय २० रनको लक्ष्यसहित जवाफी ब्याटिङ गरेको अष्ट्रेलियाले २० ओभरमा ८ विकेट गुमाएर २ सय १५ रन मात्र बनाउन सक्यो ।अष्ट्रेलियाका मार्कुस स्टोनिसले ७८ रनको अर्धशतकीय इनिङ्स खेलेपनि टिमलाई जित दिलाउन सकेनन् । यस्तै जोस फिलिपले ४५ रन जोड्दा डानिल सामले ४१ र म्याथ्यु वेडले २४ रन बनाए ।

न्युजिल्याण्डका मिचेल स्टानरले ४ विकेट लिए । जेम्स निशमले २ विकेट लिए । यस अघि पहिले ब्याटिङ गरेको न्युजिल्याण्डले २० ओभरमा ७ विकेट गुमाएर २ सय १९ रन बनाएको थियो। न्युजिल्याण्डका लागि मार्टिन गुप्टिलले ९७ रनको अर्धशतकीय इनिङ्स खेले । यस्तै कप्तान केन विलियम्सनले ५३ रनको अर्धशतकीय इनिङ्स खेले । जेम्स निशमले अविजित ४५ रन बनाए । केन रिचार्डसनले ३ विकेट लिए ।

जितसँगै पाँच खेलको सिरिजमा न्युजिल्याण्डले २–० को अग्रता बनाएको छ । घरेलु टिमसँगको सिरिजका लागि अष्ट्रेलिया न्युजिल्याण्ड भ्रमणमा रहेको छ ।