गुल्मी – गुल्मीको मालिका गाउँपालिकामा जिल्लामै पहिलो पटक प्याराग्लाइडिङ महोत्सव आयोजना गरिएको छ । आन्तरिक पर्यटकलाई आकर्षित गर्नको लागि प्याराग्लाइडिङ महोत्सवको आयोजना गरिएको हो ।

यस क्षेत्रको प्रचारप्रसार र आर्थिक गतिविधिमा समेत टेवा पुर्‍याउने उदेश्य गाउँपालिकाले लिएको छ । गाउँपालिकाले पर्यटन प्रवर्धनमा टेवा पुर्‍याउने उद्देश्यले प्याराग्लाइडिङ महोत्सव गरिएको छ ।मालिका गाउँपालिकाको आर्थिक सहयोग तथा अर्खबाङ बजार व्यवस्थापन समितिको सहकार्यमा महोत्सवको आयोजना गरिएको हो । महोत्सव फागुन २७ गतेसम्म चल्नेछ ।मालिका गाउँपालिकाको वडानम्बर-४ को देउराली डाँडाबाट हुने उडानबाट मालिका गाउँपालिकासँगै मदाने लेक र अन्य यस क्षेत्रका पर्यटिकय संगै धार्मिकस्थलको अवलोकन गर्न सकिन्छ ।

गाउँपालिकाले प्याराग्लाइडिङ्गलाई निरन्तर संचालन गर्ने गाउँपालिका मालिका गाउँपालिका अध्यक्ष रितबहादुर थापाले बताए ।यहाँका युवाहरुलाई अब गाउँपालिकाले प्याराग्लाइडिङ्गको माध्यमबाट रोजगारको व्यवस्था गर्न सहयोग पुग्ने अध्यक्ष थापाको भनाइ छ ।प्याराग्लाइडिङ्गमार्फत गाउँपालिकामा पर्यटकीय क्षेत्रको प्रचारप्रसार गर्न यो कार्यक्रमले सहयोग पुग्ने अपेक्षा लिएको छ । स्थानीयहरुले गाउँपालिकाले गाउँमा प्याराग्लाइडिङ्ग संचालन गरेकोमा खुशी व्यक्त गरेका थिए ।उनीहरुले महोत्सवमा मात्र नभइ यस कार्यलाई निरन्तरता दिन गाउँपालिकालाई अनुरोध गरेका छन् । याराग्लाइडिङको शुल्कप्रति व्यक्ति दुई हजार तोकिएको गाउँपालिका प्रमुख प्रशासकीय अधिकृत भण्डारीले बताए ।

गाउँपालिकाले केही समयअघि देउराली डाँडाबाट प्याराग्लाइडिङको सफल परीक्षण गरेको थियो ।