काठमाडौं – राजधानीमा जारी सहिद स्मारक बी डिभिजन लिग फुटबलमा आज दुई खेल हुने भएका छन् ।

एन्फा कम्प्लेक्स सातदोबाटोमा हुने पहिलो खेलमा शीर्ष स्थानको सातदोबाटो युथ क्लब र मध्यपुर युथ क्लबबीच प्रतिस्पर्धा हुनेछ ।सातदोबाटो र मध्यपुरबीचको खेल अपरान्ह १२ः १५ बजे सुरु हुनेछ । सातदोबाटोले ९ खेलमा २५ अंक जोडेको छ । मध्यपुरले ९ खेलमा १० अंक जोडेको छ । मध्यपुर आठौं स्थानमा रहेको छ ।

अर्को खेलमा रानीपोखरी कर्नर टिम आरसिटीले पुल्चोक स्पोर्ट्स क्लबसँग खेल्नेछ । आरसिटी र पुल्चोकबीचको खेलदिउँसो ३ः३० बजे सुरु हुनेछ । आरसिटी १३ अंक जोडेर पाचौं स्थानमा रहेको छ । पुल्चोक २ अंक जोडेर पुछारमा रहेको छ ।