सप्तरी – सप्तरीको बोदे बरसाईन नगरपालिकाबाट थप दुई जना युवकलाई अवेध लागुऔषधसहित पक्राउ गरेकाे छ । ईलाका प्रहरी कार्यालय बोदे बरसाईनका टोलीले जिल्लाकाे बाेदे बसाइन नगरपालिका वडा न. १० स्थित बोदे बरसाईन–विसनपुर सडक खण्डमा चेकजाँचको क्रममा लागुऔषधसहित दुई जनालाई पक्राउ गरेको हो ।
पक्राउ पर्नेमा सप्तरीको बाेदे बसाइन नगरपालिका वडा न. ३ कुशमहारका ३१ वर्षीय नितेशकुमार मण्डल र सोही ठाउँका ३२ वर्षीय सियाराम मण्डल रहेका छन् । सवार स ११ प ८२५ नम्वरको मोटरसाईकल चेकजाँच गर्ने क्रममा मोटरसाइकलको पछाडी सवार सियारामले बोकेको झोलाबाट लागुऔषध बरामद गरिएको ईलाका प्रहरी कार्यालय कडरबोनाले जनाएको छ ।
प्रहरीका अनुसार झोलाबाट ८९४ थान नाईट्राभेट–१० ट्याब्लेट बरामद भएको हो । मोटरसाईकलसहित नियन्त्रणमा लिइएको उनीहरुमाथि थप अनुसन्धान भईरहेको प्रहरीले जनाएकाे छ । यसअघि पनि बोदे बरसाईन नगरपालिका–१० खडकपुरका औषधी ३७ वर्षीय रंजितकुमार यादवलाई लागुऔषधसहित पक्राउ गरिएको थियो । पछिल्लोपटक सप्तरीको विभिन्न सिमावर्ति नाका अवैध लागु अाैषध अाेसार पसारकाे मध्य केन्द्रकाे रुपमा परिचित हुन थालेकाे स्थानीय जानकारहरुकाे भनाइ रहेकाे छ ।