१५ प्रहरी र विराटनगरका २१ सहित प्रदेश १ मा ६६
के छ खबर डेस्क
२२ श्रावण २०७७, बिहीबार
विराटनगर, २२ साउन : प्रदेश १ मा बिहिबार ६६ जना कोरोनाका नयाँ संक्रमित थपिएका छन् । उनीहरु मध्ये इलामका १५ जना पुरुष प्रहरी रहेका छन् ।त्यसैगरी विराटनगर महानगरपालिकाभित्र २१ जनामा कोरोना पुष्टि भएको छ । जिल्लागत रुपमा मोरङमा २४, सुनसरीमा १९, इलाममा १५ र झापामा ८ जनामा कोरोना संक्रमण देखिएको सामाजिक विकास मन्त्रालयले जनाएको छ ।
विराटनगरमा ११ पुरुष र १० महिला, बेलबारीमा २ र रंगेलीमा १ पुरुष, सुनसरीको धरानमा ११ पुरुष र ३ महिला, इटहरीमा ४ पुरुष र १ महिला, इलामको इलाम नगरपालिकामा १५ पुरुष, झापाको मेचीनगरमा ७ पुरुष र १ महिलाको रिपोर्ट पोजेटिभ आएको जनाइएको छ ।
बिहिबार प्रदेश १ मा कोरोना संक्रमितको संख्या १ हजार २ सय ५५ पुगेको छ । पूर्वाञ्चल विश्वविद्यालय कोभिड १९ आईसोलेसन अस्पताल गोठगाउँबाट १२ र वीपी कोइराला स्वास्थ्य विज्ञान प्रतिष्ठान धरानबाट ६ जना डिस्चार्ज भएका हुन् ।
डिस्चार्ज हुनेमा झापाका ९ जना, मोरङका ६, सुनसरी र पाँचथरका १/१ जना रहेका छन् । प्रदेश १ मा डिस्चार्ज हुनेको संख्या ९ सय ५ पुगेको छ ।प्रदेश १ मा बिहिबार १ हजार ५४ जनाको पीसीआर परीक्षण भएको छ । परीक्षण गरिएका मध्ये १५ महिला र ५१ पुरुषको रिपोर्ट पोजेटिभ आएको मन्त्रालयले जनाएको छ ।
१.
२.
३.
४.
५.
६.