इंग्लिस प्रिमियर लिग फुटबलमा आज (आइतवार) राति आर्सनल र टोटनह्यामबीच प्रतिस्पर्धा हुँदैछ ।

आर्सनलले घरेलु मैदानमा टोटेनह्यामसँग खेल्न लागेको हो । आर्सनल र टोटेनहह्यामबीचको खेल राति सवा १० बजे शुरु हुनेछ ।आर्सनल घरेलु मैदानमा जित निकाल्ने दाउमा रहेको छ । तर, बलियो मानिएको टोटेनहयामविरुद्ध जित निकाल्न आर्सनललाई निकै कठिन छ ।आर्सनल ३८ अंक जोडेर लिगको दशौँ स्थानमा छ । ४५ अंक जोडेको टोटनह्याम सातौं स्थानमा रहेको छ आज राति नै हुने अर्को खेलमा म्यानचेस्टर युनाईटेडले वेस्ट ह्यामसँग खेल्दैछ ।

युनाईटेड ५४ अंक जोडेर लिगको दोस्रो स्थानमा रहेको छ । वेस्ट ह्याम ४८ अंक जोडेर पाँचौं स्थानमा रहेको छ। लिग अन्तर्गतनै आज लेष्टर सिटीले सेफिल्ड र साउथह्याम्पटनले ब्राइटनसँग खेल्ने तालिका रहेको छ ।