काठमाडौं – चैत २१ गतेबाट सुरु हुने ललितपुर मेयर महिला च्याम्पियनसिपका लागि ललितपुर मेयर ११ को टिम घोषणा भएको छ। सरस्वती चौधरीको कप्तानीमा १४ सदस्यीय टोली घोषणा गरिएको हो।

कीर्तिपुरस्थित टीयू क्रिकेट मैदानमा हुने प्रतियोगितामा पाँच टिमको सहभागिता रहने छ।प्रतियोगितामा पाँचवटा टिम सहभागी टिमहरुमा मेयर्स ११ को एउटा टिम हुनेछ भने बाँकी चार टिम प्रधानमन्त्री कप महिला क्रिकेटको सेमिफाइनलमा पुगेका चार टिमहरु एपीएफ, प्रदेश १, सुदूरपश्चिम र लुम्बिनी प्रदेश रहनेछन्।प्रतियोगितामा पहिलो हुने टोलीले तीन लाख रुपैयाँ प्राप्त गर्नेछ भने दोस्रो हुने टोलीले डेड लाख रुपैयाँ प्राप्त गर्नेछ। त्यस्तै प्लेयर अफ दी सिरिजले २५ हजार पाउँदा बेस्ट बलर र बेस्ट ब्याटरले समान १५/१५ हजार प्राप्त गर्नेछन्। त्यस्तै प्लेयर अफदी म्याचले तीन हजार प्राप्त गर्नेछन्। त्यस्तै खेलाडी र सपोर्टिङ स्टाफले म्याचफी वापत प्रतिम्याच हजार रुपैयाँ पाउने छन्।

यस्तो रहेको छ ललितपुरको टिम
सरस्वती चौधरी (कप्तान), अनुराधा चौधरी, कविता गौतम, शोभा आले, विमला मगर, विन्दु कटवाल, सुमन खतिवडा, कन्चन श्रेष्ठ, आरती विडारी, अश्मिना कर्माचार्य, केनुका बस्नेत, सृष्टि पौडेल, एलिसा लामिछाने र निशा पराजुली ।