सप्तरी – सप्तरीको राजविराजस्थित गजेन्द्रनारायण सिंह अस्पतालमा सिटी स्क्यान मेसिन जडान गरिएको छ ।
यो मेसिन बिगत लामाे समयकाे प्रतीक्षा पछि अाज जडान गरिएको अस्पतालका मेडिकल सुपरिटेन्डेन्ट डा. रन्जित कुमार झाले जानकारी दिएका छन ।
संघीय सरकारको सहयोगमा अस्पतालमा अत्याधुनिक सिटी स्क्यान मेसिन जडान गरिएको डा. झाले एक कार्यक्रममा जानकारि गराएका छन ।
अस्पतालमा सिटी स्क्यान गर्ने मेसिन नहुँदा बिरामीलाई निकै सास्ति भाेग्नु परेकाे र बाहिर दाेब्बर पैसा खर्च गरेर सिटी स्क्यान गराउनुपर्ने बाध्यता रहेकाे स्थानीय सेवाग्राहीहरुकाे भनाई रहेकाे छ । अब सरकारी अस्पतालमै सिटिस्क्यान हुने हुदा सप्तरी जिल्लाकै बिरामीहरुलाई नयां उपलब्धि भएकाे हाे।