एजेन्सी – लकडाउनको समयमा मजुर र अन्य मानिसहरुलाई सहयोग गरी लोकप्रिय बनेका बलिउड अभिनेता सोनू सूदमा कोरोना संक्रमण देखिएको छ ।

उनले ट्विटरमा यसबारे जानकारी दिएका छन्। उनले लेखेका छन्, मेरो रिपोर्ट आज बिहान मात्रै आयो, सो रिर्पोट अनुसार ममा कोरोना भाइरस सकारात्मक देखिएको छ । हाल सावधानीको रूपमा आफू क्वारेनटाइनमा रहेको उनले बताएका छन् ।

उनले अगाडि थपे, ”मैले आफैलाई अलग्गै छुट्टयाएको छु, तर चिन्ता लिने कुनै कुरा छैन, किनभने अब मलाई तपाईको समस्या समाधान गर्नका लागि पहिले भन्दा धेरै समय छ। कुनै समस्या भएमा मलाई याद गर्नुहोस् म सँधै तपाईंसँगै छु।”