काठमाडौं – प्रधानमन्त्री तथा नेकपा एमालेका अध्यक्ष केपी शर्मा ओलीले अब कुनै पनि समूहलाई गुटगत भागबण्डा नदिने बताएका छन् ।

बिहीबार बिहान पार्टी कार्यालय शिलान्यास गर्दै यस्तो बताएका हुन् । उनले पार्टीमा आउनेलाई व्यक्तिगतरुपमा जिम्मेवारी दिने बताएका छन् ।“अहिले पनि सम्झाउने काम जारी छ । तर पार्टीमा अब अनुशासनहीनतासँग सम्झौता गर्न सक्दैनौँ । अराजकतासँग सम्झौता गर्न सक्दैनौँ,” उनले भने, “व्यक्तिगत तवरमा सम्झाउने र जिम्मेवार दिन्छु, गुटको भागबण्डा अब हुँदैन ।

त्यस्तो भयो भने पार्टी भित्रभित्रै खोक्रो हुन्छ । गल्ती महसुस गरेर पार्टीमा आएर काम गर्न चाहन्छ भने दिन्छौँ । गुटको प्रतिनिधित्व गर्न खोजे त्यो मान्य हुँदैन ।”