सप्तरी – मन्त्रिपरिषद बैठक अहिले बस्दैछ । प्रधानमन्त्री केपी ओलीले बिहीबार बिहानै मन्त्रिपरिषद बैठक बोलाएका हुन् ।

प्रधानमन्त्री ओलीले नियमित एजेन्डामा छलफलका लागि बालुवाटारमा बैठक बोलाएको एक मन्त्रीले जानकारी दिए । प्रधानमन्त्रीले ९ बजेका लागि बैठक बोलाएको ति मन्त्रीको भनाइ छ । मन्त्रालयबाट आउने नियमित एजेन्डामा छलफल र निर्णय हुने ति मन्त्रीको भनाइ छ ।

राष्ट्रियसभा सदस्यको रुपमा मनोनित सत्तारुढ नेपाल कम्युनिस्ट पार्टी (नेकपा) उपाध्यक्ष वामदेव गौतमलाई सर्वोच्च अदालतले बुधबार सफाइ दिएपछि बस्न लागेको मन्त्रिपरिषद् बैठकलाई महत्वका साथ हेरिएको छ ।

नेकपा भित्रको विवाद समाधानका लागि वामदेवलाई सकारमा महत्वपूर्ण जिम्मेवारी दिएर अगाडि बढ्ने विषयमा यसअघि नै प्रधानमन्त्री ओली सकारात्मक बनेका छन्।