सप्तरी : कोरोना भाइर संक्रमण तिव्र गतिमा फैलिएसँगै अमेरिकाले भारतबाट आफ्नायात्रा प्रतिबन्ध देशमा आउन प्रतिबन्ध लगाएको छ। प्रतिबन्धका बीच केहीलाई भने अमेरिकाले यात्रा छुट दिएको छ।

छुट पाएका व्यक्तिले भने प्रतिबन्धका समयमा पनि अमेरिका जाने अनुमति पाउने छन्। यो यात्रा प्रतिबन्ध अनिश्चित समयका लागि हो जतिबेलासम्म राष्ट्र जो बाइडेनले फुकुवा गर्दैनन्।

अमेरिकी प्रशासनका अनुसार अमेरिकी नागरिक या स्थायी निवासी र उनका पति या पत्नीले प्रतिबन्धको समयमा छुट पाउने बीबीसीले जनाएको छ।
अमेरिका जानु पहिले १४ दिन भारतमा रहेकाहरुलाई पनि यात्रा प्रतिबन्ध लागू हुनेछ।

छुट पाएकाहरुले पनि कोरोना भाइरस नेगेटिभ रिपोर्ट भने पेश गर्नुपर्नेछ । जुन अमेरिका पुग्नुभन्दा तीन दिन अनि अघिको मात्र हुनुपर्नेछ। त्यस्ता व्यक्तिले अमेरिका पुगेको तीनदेखि पाँच दिनपछि एक पटक कोरोना जाँच गर्नुपर्ने छ भने सेल्फ आइसोलेसनमा बस्नुपर्नेछ।

अमेरिकाले मात्र होइन बेलायत, क्यानडा, अस्ट्रेलिया र संयुक्त अरब इमिरेटले पनि भारतमाथि यात्रा प्रतिबन्ध लगाएका छन्।

यस्तो प्रतिबन्ध ४ मे बाट लाग्ने अमेरिकाले जनाएको छ।

भारतमा कोरोना संक्रमणको दर लगातार बढिरहेको छ र एक दिनमा चार लाख भन्दा धेरै मानिस संक्रमित भइरहेका छन्।

पछिल्लो एक हप्तामा मात्र दश लाख भन्दा धेरै मानिसमा संक्रमण पाइएको छ। अहिलेसम्म कोरोनाका कारण भारतमा २ लाख ११ हजर ७ सय ७८ जनाले ज्यान गुमाएका छन्।