सप्तरी : ओमानबाट ५ सय ६० थान अक्सिजन सिलिण्डर आउने भएको छ । ओमानको मस्कटस्थित नेपाली राजदूतावासको पहलमा त्यहाको एनआरएन र अन्य संघ संस्थाहरुको सहयोगमा नेपाल एयरलाइन्सको जहाजबाट आज उक्त सिलिण्डर नेपाल आउन लागेको हो । ओमानका लागी नेपाली राजदूत शर्मिला पराजुली ढकालले आज सांझ ६ बजे अक्सिजन सिलिण्डर नेपाल पुगिसक्ने जानकारी दिईन ।

नेपालमा अक्सिजन सिलिण्डर नहुंदा समस्या भएपछि सरकारले यसअघि नेपाल एयरलाइन्सको विमानमार्फत चीनबाट ४ सय थान अक्सिजन सिलिण्डर नेपाल ल्याएको थियो । आज फेरी अर्को जहाज थप सिलिण्डर ल्याउन चीन जांदैछ ।