सप्तरी : वीर अस्पतालले कोभिड संक्रमितको उपचार र हेरचाहका लागि भन्दै करारमा नियुक्त गर्न लागिएको कर्मचारीको छनोट पारदर्शी र व्यवस्थित हुनुपर्ने माग गरिएको छ। वीर अस्पतालका कर्मचारीहरुले पहुँच र भनसुनका आधारमा नभइ योग्य र दक्षताका आधारमा पारदर्शी तरिकाले नर्स लगायतका ककर्मचारीर्मचारी नियुक्त गर्न माग गरेका हुन्।

अस्पतालले एक सय जनाभन्दा बढी नर्सलाई करारमा र अन्य केही कर्मचारी काररमा नियुक्तिका लागि आवेदन मागेको थियो। जसमध्ये नर्सहरुको छनोटमा पहुँचवालाले मात्र पाउने खतरा बढेको भन्दै पारदर्शी नियुक्तीको माग गरिएको वीर अस्पतालका एक कर्मचारीले बताए।

वीरको नयाँ सर्जिकल भवनमा कोभिड शय्या सञ्चालनका लागि १०० नर्स र ३ जना वरिष्ठ डाक्टरको माग गरिएको थियो भने आकस्मिक विभागका लागि ८ जना नर्स र १४ जना डाक्टरको माग गरिएको थियो। सर्जिकल भवन र आकस्मिक कक्षका लागि भएको छुट्टाछुट्टै मागपछि २ हजारभन्दा बढी नर्सले आवेदन दिएको अस्पतालले जनाएको छ।

अस्पतालका कर्मचारीका अनुसार आवेदन दिएका २ हजारभन्दा बढी नर्समध्ये पहिलो चरणको सर्ट लिष्टिङका क्रममा चिकित्सा विज्ञान राष्ट्रिय प्रतिष्ठानका पदाधिकारीले आफू निकटका आवेदकलाई नियुक्ती गर्न ५५ जनाको नामको सूचि तयार पारिसकेका छन्। उक्त ५५ जनामा २१ जना स्वास्थ्य मन्त्रालयबाट आएको सूचि अनुसारका नाम रहेको बताइएको छ।