सप्तरी : प्रिमियर लिग फुटबलमा टोटेनहमले सहज जित निकालेको छ । आजको खेल जित निकालेसँगै टोटेनहमले अर्काे सिजन च्याम्पियन्स लिग खेल्ने सम्भावनालाई जिवित राखेको छ ।

आइतबार राति भएको खेलमा टोटेनहमले उल्भ्सलाई २–० गोल अन्तरले पराजित गरेको हो । घरेलु मैदानमा टोटेनहमलाई जित दिलाउन खेलको ४५ औं मिनेटमा केनले गोल गर्दै टिमलाई अग्रता दिलाए ।

पहिलो हाफमा एक गोल गरेको टोेटेनहमले दोस्रो हाफमा थप एक गोल गरेको हो । ६२ औँ मिनेटमा इमिलले गोल गर्दै टोटेनहमलाई २–० को जित दिलाए ।

जितसँगै टोटेनहमले ३६ खेलमा ५९ अंक जोडेको छ । टोटेनहम लिगको छैटौं स्थानमा रहेको छ ।

पराजित उल्भ्स ४५ अंक जोडेर १२ औं स्थानमा छ । च्याम्पियन्स लिग खेल्नलाई टोटेनहमले अब आफूले जित मात्र होइन अन्य टिमको हारको नतिजा कुर्नुपर्ने भएको छ ।