सप्तरी – सरकारले एसईईको परीक्षापछि मात्रै नयाँ शैक्षिक सत्रबारे निर्णय गर्ने बताइरहेका बेला नवलपरासीपूर्व कावासोती नगरपालिकाले आन्तरिक मूल्याङ्कनका आधारमा नतिजा प्रकाशित गर्न निर्देशन दिएको छ ।

कावासोती नगर कार्यपालिकाको कार्यालयले नगरभित्रका सामुदायिक तथा संस्थागत सबै विद्यालयहरुलाई पत्राचार गरी आन्तरिक मूल्याङ्नका आधारमा नतिजा प्रकाशित गर्न निर्देशन दिएको हो ।नगरपालिकाका शाखा अधिकृत राजन पाण्डेले हस्ताक्षर गरी पठाएको पत्रमा कक्षा ८ को बाहेक कक्षा १ देखि ९ सम्मको नतिजा जेठ २५ गतेदेखि ३० गते भित्र प्रकाशन गर्न भनिएको छ ।नगरपालिकाले विद्यार्थी मुल्याङ्कन आधार तथा ढाँचासमेत पठाएर जेठ २० गतेभित्र मूल्याङ्कन गरिसक्नुपर्ने जनाएको छ ।यसै शैक्षिक सत्रमा यसअघि सञ्चालन भएका परीक्षाको ७० पूर्णाङ्क तोकिएको छ । ३० पूर्णाङ्को वैकल्पिक विधिबाट स्वास्थ्य मापदण्डअनुसार सरकारी निकायहरुबाट भएका निर्देशनको पालना गरी विद्यार्थीमैत्री ढंगबाट अभिभावकलाई समेत जानकारी हुने गरी सम्पन्न गर्न भनिएको छ ।

एसईई परीक्षा सञ्चालन सञ्चालन सम्बन्धमा अध्ययन गर्न राष्ट्रिय परीक्षा बोर्डबाट गठित कार्यदलले अध्ययन तथा सझाव संकलन गरिरहेको शिक्षा मन्त्रालयले जनाएको छ ।