कपिलवस्तु – कोरोना संक्रमणबाट बिहीबार जिल्लामा ३ जना पुरुषको मृत्यु भएको छ ।

कपिलवस्तु नगरपालिका–१ का ४० वर्षीय पुरुषको मृत्यु भएको छ । उनको तौलिहवास्थित अस्पतालमा उपचार हुँदाहुँदै मृत्यु भएको हो ।वाणगंगा नगरपालिका–२ का ५७ वर्षीय र वडा नं. ८ का ९८ वर्षीय पुरुषको पनि मृत्यु भएको छ । ५७ वर्षीय पुरुषको होम आइसोलेसनमा र ९८ वर्षीय पुरुषको भैरहवामा उपचार हुदाँहुँदै मृत्यु भएको जिल्ला स्वास्थ्य कार्यालयका कोरोना नियन्त्रण फोकल पर्सन उमेश घिमिरेले बताए ।

जिल्लामा संक्रमणबाट मृत्यु हुनेको संख्या १७३ पुगेको छ । यहाँ बिहीबार ८३ जना नयाँ संक्रमित थपिएर सक्रिय संक्रमितको संख्या बढेर १,२९१ पुगेको छ ।