सप्तरी – सप्तरीमा आज थप एक जना कोरोना संक्रमितको मृत्यु भएको छ । विराटनगरस्थित नर्सिंग होममा अग्नीसाइर कृष्णासवरण गाउँपालिका–३ का ४५ वर्षीय पुरुषको मृत्यु भएको हाे ।

जिल्ला स्वास्थ्य कार्यालय सप्तरीका प्रमुख दुनियालाल यादवका अनुसार सोही नर्सिंग होममा गरिएको परिक्षणबाट उनमा हिजो संक्रमण पुष्टि भएको थियो । योसँगै सप्तरीमा दोस्रो कोरोना लहरमा संक्रमणबाट मृत्यु हुनेको संख्या ९८ पुगेको छ । यसअघि पहिलो लहरमा संक्रमणबाट ४१ जनाको र्मत्यु भएको थियो । यसैगरी आज थप ६ जनामा संक्रमण देखिएको प्रमुख यादवले बताए । उनका अनुसार सप्तरीको राजविराज नगरपालिकामा २ महिला र ३ जना पुरुष तथा अग्निसाइर कृष्णासवरण गाउँपालिकाका एक जना पुरुषमा संक्रमण देखिएको छ ।

योसँगै हालसम्म सप्तरीमा संक्रमितको संख्या १ हजार ९८५ पुगेको छ । जसमध्ये अहिलेसम्म १ हजार १८१ जना निको भएका छन् । हाल सप्तरीमा ७०६ सक्रिय संक्रमित रहेको जिल्ला स्वास्थ कार्यालय सप्तरीले जनाएको छ ।