एजेन्सी – १६ औं संस्करणको यूरो कप फुटबल अन्तर्गत आज आइतबार विभिन्न तीन खेलहरु हुँदैछन् ।

यूरो कपमा आज समूह सीका दुई खेलहरु तथा समूह डीको एक खेल हुनेछ ।आज हुने पहिलो खेलमा समूह डीमा रहेको इङ्ल्याण्ड र क्रोएसियाबीच प्रतिस्पर्धा हुनेछ ।लण्डनको वेम्बली स्टेडियममा हुने घरेलु टिम र क्रोएसियाबीचको खेल साँझ ६:४५ बजेदेखि प्रारम्भ हुनेछ ।

आज दुबै टिम जीत निकाल्दै सुखद सुरुवात गर्न चाहन्छ ।दुबै टिमलाई यो पटक उपाधिको दाबेदार मानिएको छ ।त्यस्तै आज हुने दोस्रो खेलमा अष्ट्रिया र नर्थ म्यासेडोनियाबीच खेल हुनेछ ।

समूह सीमा रहेको अष्ट्रिया र नर्थ म्यासेडोनियाबीचको खेल राति ९:४५ बजेदेखि प्रारम्भ हुनेछ ।आजको अन्तिम खेलमा नेदरल्यान्ड्स र युक्रेनबीच खेल हुनेछ ।

समूह सीको नेदरल्यान्ड्सले घरेलु मैदानमा युक्रेनको सामना गर्नेछ ।दुई टिमबीचको खेल राति १२:४५ बजेदेखि प्रारम्भ हुनेछ ।