जारी कोपा अमेरिका अन्तर्गत पराग्वेले चिलीमाथि शानदार जित हासिल गरेको छ ।

शुक्रबार बिहान सम्पन्न खेलमा पराग्वेले चिलीलाई २-० गोल अन्तरले पराजित गरेको हो ।पराग्वेको जितमा ब्राइयन समुडिओ र मिगुएल अल्मिरोनले एक एक गोल गरेका थिए ।योजितसँगै पराग्वे समुह ए बाट क्वाटर फाइनलमा पुगेको छ । पराग्वेको ३ खेलमा ६अंक छ भने अंक तालिकामा दोस्रो स्थानमा उक्लिएको छ ।

त्यस्तै चिलीको भने ४ खेलमा ५ अंक रहेको छ र यसअघिनै क्वाटरफाइनलमा पुगिसकेको छ ।समुह ए बाट अर्जेन्टिना र उरुग्वे पनि क्वाटरफाइनलमा पुगेका छन् भने बोलिभिया प्रतियोगिताबाट एक खेल खेल्नु अघि नै बाहिरिएको छ । कोपा अमेरिका अन्तर्गत समुह बि बाट भने आयोजक ब्राजिल र कोलम्बिया क्वाटर फाइनलमा पुगिसकेका छन् ।