छिमेकी मुलुक भारतमा कोरोना भाइरसको संक्रमणबाट मृत्यु हुनेको संख्या ४ लाख नाघेको छ । पछिल्लो २४ घन्टामा थप ९३२ जना संक्रमितले ज्यान गुमाएसँगै भारतमा कोरोना संक्रमणबाट मृत्यु हुनेको संख्या ४ लाख १ हजार ५० पुगेको छ ।

यसै गरी पछिल्लो २४ घन्टामा थप ४२ हजार ७५१ जनामा कोरोना संक्रमण पुष्टि भएको छ । पछिल्लो २४ घन्टामा ५१ हजार ७७५ जना संक्रमणमुक्त भएर घर फर्किएका छन् । अहिले भारतमा सक्रिय संक्रमितको संख्या ५ लाखभन्दा कम रहेको छ । पछिल्ला तीन दिनयता भारतमा संक्रमणको संख्या घट्दै गइरहेको छ । गत बुधबार ४८ हजार ६०६, बिहीबार ४६ हजार ७८१ र शुक्रबार ४४ हजार १८५ जनामा संक्रमण देखिएको थियो ।

हालसम्म भारतमा कोरोना संक्रमणबाट ३ करोड ५ लाखभन्दा धेरैमा संक्रमण पुष्टि भइसकेको छ । यसै गरी ४ लाख १ हजार ५० संक्रमितले ज्यान गुमाइसकेका छन् ।