सप्तरी – मदिरा सेवन गरी कुटपिट गरी ५० वर्षिय पुरुषको हत्या गरेको आरोपमा रौतहटमा प्रहरीले आरोपीलाई पक्राउ गरेको छ ।

हत्याको आरोपमा १९ वर्षिय विकास पासवान र ५५ वर्षका विन्दा पासवानलाई पक्राउ गरेको प्रहरीले जनाएको छ ।प्रहरीले हत्यामा संलग्न दुईजनालाई पक्राउ गरेको छ । जिल्लाको बृन्दावन नगरपालिका ७ सखुअवा धमौरा बस्ने १९ बर्षिय विकास पासवान लगायत केही मानिसले सोमवार साँझ सोहीठाँउका अमिरी पासवानलाई कुटपिट गरेका थिए ।

अत्यधिक मदिरा सेवनगरी विकास पासवान लगायतका समुहले घरतर्फ जाँदै गरेका सोही ठाँउका अमिरी पासवानलाई गालिगलौज तथा कुटपीट गर्दा ५० बर्षिय पासवानको टाउकोमा चोट लागेको थियो ।घाईते पासवानलाई तत्कालै एम्बुलेन्सबाट गरुडास्थित सिटि अस्पतालमा उपचारको लागि लगिएको थियो ।

टाउकोमा गम्भीर चोट लागेका पासवानको उपचारको क्रममा गए रराति ८ बजेर १५ मिनेटमा मृत्यु भएको ईलाका प्रहरी कार्यालय गरुडाका प्रमुख डिएससपी रबी रावलले जानकारी दिए ।