चीनसँगको सीमामा खटिएका भारतीय सैनिकहरूलाई अमेरिकामा बनेको खतरनाक सिग सावर ७१६ असल्ट राइफल तथा स्विस एमपी–९ पिस्तोल उपलब्ध गराइएको छ ।

वास्तविक नियन्त्रण रेखाका उचाइमा तैनाथ गरिएका भारतीय सैनिकहरूलाई उपलब्ध गराएको अमेरिकी राइफलको ५०० मिटरको दायरा छ । पहाडमा गरिने युद्धका लागि यो प्रभावकारी हतियार हो ।

चीनसँग सीमाविवाद चर्किएपछि भारतीय सेनाले लगभग डेढ लाख यस्ता किसिमका राइफलहरू किनेको हो ।

यी राइफल दुवै हातले चलाउन मिल्ने किसिमका छन् र सैनिकहरूलाई राइफल चलाउन सहज हुनेछ, अधिकारीहरूले बताए ।

अहिले चीन र भारत दुवैले गोगरा हाइट्स क्षेत्रबाट आआफ्ना सैनिकहरू पछिल्तिर हटाएका छन् र स्थायी बेसमा राखेका छन् । सीमामा तनाव घटाउनका लागि यो महत्त्वपूर्ण कदम भएको बताइएको छ । ।