सप्तरी – सप्तरी जिल्लामा कोभिड १९ को संक्रमण दरघटेको भन्दै अगामी भदौ १६ गते बुधबारदेखि निजी बिद्यालय खोल्ने निर्णय गरिएको छ ।

लामो समयदेखि बन्द रहेको बिद्यालय प्रदेशमा कोभिड १९ को संक्रमण दर समेत ५ प्रतिशत भन्दा कम देखिएको अवस्थामा सप्तरी जिल्लामा निजी बिद्यालय खोल्ने निर्णय गरिएको हो ।

आज राजविराजमा नेपाल प्याब्सन ,नेशनल प्याब्सन र प्याब्सन सप्तरीसहित तिन संगठनको बसैको बैठकले सप्तरीमा लगभग शुन्य प्रतिशत कोभिड १९ देखिएको हुनाले तत्काल बिद्यालय खोल्ने निर्णय गरिएको नेशनल प्याबसनका अध्यक्ष नरेशप्रताप साहले बताए ।

बैठकपछि जारि गरिएको बिज्ञप्तीमा बालबालिकाको शैक्षिक,शारीरिक, मानसिक तथा समाजिक बिकासलाई ध्यानमा राखि भौतिक उपस्थितमा बिद्यालय संचालन गर्ने निर्णय भएको जनाइएको छ ।
साथै सवास्थ्य मापदण्ड अनुसार माक्स,समाजिक दुरी एवम सैनिटाइजेशन प्रयोग गरि बिद्यालय संचालन गर्न बिज्ञप्तीमा भनिएको छ ।

भदौ १६ गते बुधवारदेखि बिद्यालयहरु अनुकुल समय बिहान / दिउँसो सिफ्ट वाइज गरि दैनिक कक्षा संचालन गर्न आवद्ध बिद्यालयहरुलाई प्रेस बिज्ञाप्ती मार्फत आग्रह गरिएको छ ।

बिद्यालय संचालन गर्न प्रत्यक्ष वा अप्रत्यक्ष रुपमा बतावरण बनाउन तथा सहमति दिने जिल्लाका सबै नगरपालिका / गाउपालिकाका प्रमुख ,प्रहरी तथा जिल्ला प्रशसन कार्यालयलाई समेत अनुरोध गरिएको जारी बिञप्तीमा उल्लेख गरिएको छ ।

साथै जिल्ला प्रशासन कार्यालय वा नगरपालिका गाउपालिका दुवै पक्षबाट सकारात्मक सार्वजनिक सुचनाका लागि अनुरोध समेत गरिएको छ ।