राजविराज : सप्तरीमा आइतबार १० जना संक्रमित थप भएका छन् । १० मध्ये दुई स्वास्थ्यकर्मी पनि रहेको खुल्न आएको छ । गजेन्द्रनारायण सिंह अस्पतालमा सप्तरीको १९० जनाको स्वाब परीक्षण गरिएकोमा १ महिलासहित १० जनाको रिपोर्ट पोजिटिभ आएको स्वास्थ्य कार्यालय सप्तरीले जनाएको छ ।

जसमध्ये अस्पतालकै एक स्वास्थ्यकर्मी र गोइठी स्वास्थ्य चौकीमा कार्यरत एक अर्का स्वास्थ्यकर्मी समेत संक्रमित भएका छन् । संक्रमित हुनेमा राजविराज नगरपालिका– ५ का ४८ वर्षीय, तिरहुत गाउँपालिका– ४ का २९ वर्षीय, शम्भुनाथ नगरपालिका– ८ का ४१ वर्षीय, तिलाठी कोइलाडी गाउँपालिका– ३ का २५ वर्षीय, महादेवा गाउँपालिका–१ का ३० वर्षीय, वडा नम्बर– ५ का ३९ वर्षीय, खडक नगरपालिका–६ का ४६ वर्षीय, वडा नम्बर–११ का ३३ वर्षीय, वडा नखुलेको २५ वर्षीय पुरुष र बिष्णुपुर गाउँपालिका–१ की ३२ वर्षीया महिला छन् ।