गौशाला – सर्लाही जिल्लाको हरिवन नगरपालिका–८ बेतालीमा रहेको जनजागृति माविमा निर्माण हुने चारकोठे भवनको मंगलवार शिलान्यास गरिएको छ।

हरिवन नगरपालिकाका मेयर गणेश प्रसाईंले मंगलबार बिहान विद्यालय प्रांगणमा आयोजित एक समारोहमा भवन निर्माण कार्यको शिलान्यास गरेका हुन हरिवन नगरपालिका र सर्लाही ३ का संघीय सांसद रामेश्वर राय यादवको संसदीय विकास कोषको झण्डै ५१ लाख रुपैयाँ लागतमा भवन निर्माण गर्न लागिएको हो। दुईतले भनव चार कोठे हुने विद्यालय प्रशासनले जनाएको छ। कार्यक्रममा मेयर प्रसाईंले विकास निर्माणका काममा राजनीति गर्न नहुने भन्दै निर्माण कार्य समयमै सक्न निर्माण समितिलाई आग्रह गरे।

कार्यक्रममा हरिवन नगरपालिकाकी उपमेयर रेणुका पौडेल, वडाध्यक्ष यज्ञविनोद ढुंगेल, विद्यालय व्यवस्थापन समितिका निवर्तमान अध्यक्ष रामचन्द्र गौतम, प्रधानाध्यापक चन्द्रमोहन झा लगायतको उपस्थिति थियो।