सप्तरी – बलिउडमा पछिल्लो समय दुई फिल्म निर्माताबीच विवाद बढेको छ। निर्माता मधुर भंडारकरले अर्का निर्माता/निर्देशक करण जौहरमाथि आफ्नो फिल्मको टाइटल चोरी गरेको आरोप लगाएका छन्। करणले पनि माफी माग्दै आरोपको खण्डन गरेका छन्।

करण जौहरको नयाँ शो ‘द फैबुलस लाइव्स अफ बलिउड वाइव्स’ केही दिनमा प्रदर्शनमा आउँदैछ। तर त्यसअगावै यो सिरिज विवादमा परेको छ। मधुर भंडारकरले ट्वीटमार्फत करणमाथि नाम चोरी गरेको आरोप लगाएपछि सिरिज विवादमा तानिएको हो।आफूले ‘बलिउड वाइव्स’ नाम नराख्न अनुरोध गर्दागर्दै करण जौहर र अपूर्वा मेहताले राखेको उनको आरोप छ। उनले यसै नाममा आफ्नो एक प्रोजेक्ट प्रदर्शनको तयारीमा रहेको समेत बताएका छन्।

मधुरको आरोपपछि करणले स्पष्टिकरण दिएका छन्। उनले मधुर भंडारकरसँग माफी माग्दै दु:ख दिने नियत आफ्नो नभएको स्पष्ट पारेका छन्।‘हाम्रो सिरिजको नयाँ नाम फैबुलस लाइव्स अफ बलिउड वाइव्स राखिएको छ। यो एकदमै फरक टाइटल हो। यसकारण मैले सोचेको थिइन कि तपाई नराम्रो लाग्नेछ। तर म तपाईलाई विश्वास दिलाउन चाहन्छु कि हाम्रो सिरिजको फर्म्याट, कथा र टाइटल सबै कुरा भिन्न छ। यसले तपाईको कामलाई प्रभावित गर्ने छैन। म आशा गर्छु कि हामी यो विवादबाट अगाडि बढ्नेछौं,’करणले भनेका छन्।

मधुर भंडारकरले करणलाई माफी दिएका छ्न्। यद्यपि अझै आफ्नो असहमति रहेको कुरा ट्वीटरमा लेखेका छन्। करणको टिमले केही नियमहरुको पालना नगरेको र आफ्नो असहमतिलाई नजरअन्दाज गरेकोमा उनको असन्तुष्टि छ।