भारतको उत्तर प्रदेशमा यात्रुबाहक बस र ट्रक ठोक्किँदा ९ जनाको ज्यान गएको छ । अन्य २७ जना घाइते भएका छन् ।

युपीको किसान पथ रिंगराड स्थित बाराबंगको देवथाना नजिक बबुरी गाउँ नजिकै बिहीबार बिहान यो दुर्घटना भएको हो ।दिल्लीबाट बहराइच जाँदै गरेको यात्रुबाहक बस र विपरीत दिशाबाट आउँदै गरेको ट्रक ठोक्किँएर दुर्घटना भएको भारतीय संचारमाध्यमहरुले जनाएको छ ।दुबै गाडी तिव्रगतिको कारण एक आपसमा ठोक्किँदा घटनास्थलमै ९ जनाको मृत्यु भएको हो ।

मृतकहरु बसमा सबार यात्रुहरु रहेको जनाइएको छ । बसमा ७० यात्रु सबार थिए । जसमा २७ जना गम्भीर घाइते भएका छन् । दुर्घटनको विषयमा अधिकारीहरुले अनुसन्धन गरिरहको भारतीय प्रहरीले जनाएको छ ।