विराटनगर – धरानस्थित वीपी कोइराला स्वास्थ्य विज्ञान प्रतिष्ठानमा उपचाररत कोरोना संक्रमित एक वृद्धाको मृत्यु भएको छ।

प्रतिष्ठानका सहप्रवक्ता डा. चुरामणि पोखरेलले अस्पतालमा उपचाररत एक संक्रमितको ज्यान गएको बताएका छन्। अनुसार ज्यान गुमाउनेमा मधेस प्रदेशको सप्तरी जिल्ला हनुमाननगर कंकालिनी ८ की ७६ वर्षीया वृद्धाको उपचारका क्रममा मृत्यु भएको हो।

उनी श्वासप्रश्वास सम्बन्धी समस्या ग्रसित थिइन्। आइतबार आरडिटी परीक्षणमा कोरोना पोजिटिभ देखिएपछि उनलाई प्रतिष्ठानको कोभिड अस्पतालमा थप उपचारका लागि भर्ना गरिएको थियो।

उनको उपचारका क्रममा आइतबार राति साढे १० बजे मृत्यु भएको पोखरेलले जानकारी दिए।