धादिङ – धादिङको सिद्धलेक गाउँपालिका-१ बुङचुङमा शुक्रबार बिहान मोटरसाइकलको ठक्करबाट पैदलायात्रीको मृत्यु भएको छ ।

मृत्यु हुनेमा सिद्धलेक गाउँपालिका-१ का अन्दाजी ५० बर्षीया मुक्तिप्रसाद सिग्देल रहेका छन् । सिग्देल मर्निङवाकमा निस्किएका बेला दुर्घटनामा परेका हुन् ।

नालाङबाट फुर्केखोलातर्फ जादैँ गरेको बा३प ५०५२ नम्बरको मोटरसाइकलको ठक्करबाट उनको घटनास्थलमै मृत्यु भएको हो ।

मृतक नेपाल प्रहरीबाट सेवा निवृत्त प्रहरी निरीक्षक रहेको खुल्न आएको जिल्ला प्रहरी कार्यालय धादिङले जनाएको छ ।

मोटरसाइकल चालक सिद्धलेक-२ पात्लेका लोकबहादुर मगरलाई प्रहरीले नियन्त्रणमा लिएको छ ।