सप्तरी – सप्तरीको रुपनी गाउँपालिका १ रायपुरमा शुक्रबार राम कुमार सास्त्रीको गौसेवा आश्राममा आगलागी हुँदा लाखौंको क्षति भएको छ । स्थानीय पंडित शास्त्रीले संचालनमा ल्याएको गौसेवा आश्रममा आगलागी हुँदा १० लाख बराबरको क्षति भएको जानकारी के छ खबर संग जानकारी गराए ।

रातको समयमा भएको आगलागीबाट एउटा घर पूर्ण रुपले जलेर नष्ट भएको पीडितले बताए । आगलागीमा घर तथा सरसामान सहित १० लाख भन्दा बढी धनमाल जलेर क्षति भएको पण्डित शास्त्रीले जानकारी दिए । आगलागीमा मानवीय तथा पशुचौपायामा भने क्षति नपुगेको प्रहरीले जनाएको छ ।

आगलागीको घटनाबारे अनुसन्धान भईरहेको जिल्ला प्रहरी कार्यालय सप्तरीका प्रबक्ता प्रहरी नायब उपरीक्षक माधव प्रसाद काफ्लेले बताए । गौशालामा १ दर्जन भन्दा बढी गाई रहेको छ ।