काठमाडौं – काठमाडौंको बिजेश्वरी करिडोर क्षेत्रमा मोटरसाइकल र स्कुटर जुध्दा एक जनाको मृत्यु भएको छ।

मृत्यु हुनेमा धादिङ घर भई हाल काठमाडौं नागार्जुन नगरपालिका-१ बस्ने ३५ वर्षीय हरि दुवाडी रहेका छन्।

बुधबार बिहान बा ८५ प ५०६० नम्बरको मोटरसाइकल र बा ९४ प ६१२३ नम्बरको स्कुटर आपसमा ठोक्किएका थिए।

प्रहरीका अनुसार मृत्यु हुने दुवाडी स्कुटरमा सवार थिए। दुवाडीको मनमोहन मेमोरियल अस्पतालमा उपचारका क्रममा मृत्यु भएको महानगरीय प्रहरी वृत्त स्वयम्भूले जनाएको छ।

स्कुटरको पछाडि सवार रहेका विनोद दुवाडी घाइते छन्। मोटरसाइकलका चालकलाई प्रहरीले नियन्त्रणमा लिएको छ।