काठमाडौँ, बिहिबार, भाद्र ११, २०७७
सुशान्त मामिलामा सिबिआईको अनुसन्धानबीच सुशानतका पिता केके सिंहले रिया चक्रवर्तीमाथि गम्भीर आरोप लगाएका छन् । उनले भने, ‘रियाले लामो समयदेखि मेरो छोरालाई विष दिइरहेकी थिइन् । उनी सुशान्तकी हत्यारा हुन् । अनुसन्धान एजेन्सीले रिया र उनका साथीहरुलाई पक्राउ गरेर सजाय दिनुपर्छ ।’

#WATCH Rhea Chakraborty was giving poison to my son, Sushant from a long time, she is his murderer. The investigating agency must arrest her and her associates: KK Singh, #SushantSinghRajput's father pic.twitter.com/EsVpAUlZMt

— ANI (@ANI) August 27, 2020

रियाले प्रहरीसँग सुरक्षा मागिन्ः

नायिकाले बिहिबार इन्स्टाग्राम पोस्टमा भनिन्, ‘मलाई र मेरो परिवारलाई ज्यानको खतरा छ । हामीले प्रहरीलाई बताएका छौं तर कसैले केही मद्दत गरेनन् । अनुसन्धान एजेन्सीसँग पनि मद्दत मागियो तर कुनै फाइदा भएन । मुम्बई प्रहरीलाई हाम्रो सुरक्षाका लागि अपिल गर्दछौं ता कि अनुसन्धान एजेन्सीलाई सहयोग गर्न सकूँ ।’

https://www.instagram.com/p/CEYg61Nnwoe/?utm_source=ig_embed&utm_campaign=embed_video_watch_again

सिबिआईले रियाका भाइ शोविकसँग सोधपुछ गरिरहेको छ । पिता इन्द्रजीत चक्रवर्तीलाई पनि सोधपुछका लागि पत्राचार गरिएको छ । रियासँग बिहिबार नै सवाल–जवाफ गर्ने सम्भावना छ । सुशान्तका रुममेट सिद्धार्थ पिठानीसँग सिबिआईले लगातार पाँचौं दिन सोधपुछ गरिरहेको छ । अनुसन्धान एजेन्सीले आज एक महिलालाई बोलाएको छ । यी महिला को हुन्, यसबारे केही जानकारी छैन ।